Bitácora do Proxecto Documental Integrado bianual, 2023-24 e 2024-25, do CEIP Milladoiro de Malpica de Bergantiños. Un PDI para seguir preguntándonos, investigando, un proxecto... moi saudable!
Presentamos, en primicia, o videoclip da canción de produción propia "Galicia Elemental". Canción interpretada polo grupo "Musicadoiro" baixo a coordinación do mestre de Música e Danza, Keko.
Un produto final, en relación co PDI que nos ocupa, que pasa a formar parte da nosa historia escolar: coidando a nosa lingua, o noso medio como fonte de benestar persoal e social.
Malpica, terra de vida!
Hoxe, Día Mundial do Medio Ambiente, publicamos os retallos naturais que cada grupo-aula foi ideando nas últimas semanas, partindo da proposta de actividades trimestrais.
Un retallo natural no que, ademais de materiais varios, unha frase-lema e un circuíto eléctrico enriquecen a produción propia.
O e-textil ou textiles electrónicos son tecidos nos que se inclúen elementos electrónicos como: leds e baterías (portapilas)
Pechamos o PDI, por este curso, cos retallos que pasan a formar parte da nosa escola e nos invitan a reflexionar con frases-lema como:
COIDA O PLANETA, É O ÚNICO QUE TEMOS!
APAGA! CONECTA COA NATUREZA.
REVOLUCIÓN POR UN MUNDO MELLOR!
Premer na imaxe para acceder á galería de fotos
O pasado venres clausuramos a biblio para o curso 2023-24, mais... a lectura continúa!
No día de hoxe, o alumnado de infantil e 1º ciclo de primaria visitaron o parque Luciano García Alén, ubicado en Buño, para gozar con Manuela Contacontos de: "O Grúfalo e a natureza".
Ademais de lectura compartida, tamén reflexionaron sobre o coidado da natureza e o respecto ao medio.
Agradecer a Manuela o seu bo facer, encantad@s de escoitala.
O vindeiro curso... máis lectura na rúa!
Presentamos un resumo audiovisual do noso Festival das Letras 2024, que celebramos no día de onte como peche final do Mes das Letras.
Un festival que acolleu xéneros diversos, mais todos eles dinamizando a lingua, homenaxeando a Luísa Villalta, dando tratamento ao noso Proxecto Documental Integrado e, sempre, valorando o noso: música, poesía, banda deseñada, teatro...
O broche final foi a canción de produción propia, "Galicia Elemental" do grupo "Musicadoiro" coordinado polo mestre de Música e Danza, Keko, e que se pode escoitar ao longo do presente vídeo.
Parabéns a tod@s polas fantásticas producións e só nos queda dicir...
FELIZ DÍA DAS LETRAS GALEGAS
HOXE E TODOS OS DÍAS DO ANO!
.jpg "CEIP Milladoiro.Malpica")
O pasado venres 10 de maio o alumnado do 2º ciclo de primaria mantivo un encontro con Jorge Campos.
Jorge Campos, ilustrador e autor, iniciou o encontro con contidos básicos de banda deseñada: historia, partes dun cómic... Posteriormente, respondeu a todas as preguntas en relación co seu exemplar: "Capitán Lentella", título do Plan Lector Anual da aula de 4º de primaria; así como asinou os exemplares de tod@s, con ilustración incluída, e tamén nos deixou asinada a lámina das ilustracións que realizou.
O alumnado puido ver o proceso de ilustración, en vivo, dos diversos personaxes de "Capitán Lentella" e recibiu a boa nova, de boca do autor, da próxima publicación de "Capitán Lentella 2"; o que levou a que o alumnado de 4º de primaria pida para o vindeiro curso que se inclúa nos títulos do Plan Lector este exemplar en 5º de primaria (petición recibida e... aprobada!)
.jpg "CEIP Milladoiro.Malpica")
Só nos queda dicir que foi un auténtico pracer contar con Jorge Campos, pola súa dispoñibilidade, bo facer e amabilidade en todo momento. Ao tempo, dicir que Jorge quedou encantado coa produción propia que elaborou o alumnado de 4º de primaria, coa súa titora Belén como orientadora e guía do proceso, ao redor do título.
.jpg "CEIP Milladoiro.Malpica")
Engadir que Jorge foi o encargado de realizar o póster do presente curso, "Unha biblioteca escolar en viñetas", da Asesoría BEGA e que temos publicado na columna do presente blog.
O vindeiro curso... máis encontros!
Damos continuidade ao noso Mes das Letras, presentando as pezas audiovisuais de cada grupo-aula para a nosa produción propia: DichoLeo 2024 en relación co PDI que nos ocupa.
Dinamizando a nosa lingua e desenvolvendo a alfabetización audiovisual damos tratamento as interferencias lingüísticas, ampliando vocabulario na lingua nai.
Parabéns a tod@s, o vindeiro curso... máis!
Un curso máis, celebramos o Día do Libro saíndo á rúa e este curso, en relación co PDI que nos ocupa, o alumnado elaborou diversas receitas para as merendas saudables: espetos e batidos de froita, tostas de tomate con xamón, galletas de avea ou vasiños de froita e noces.
A lectura na rúa e o pícnic saudable foron protagonistas da conmemoración neste noso Mes das Letras 2024. Tod@s exerceron o seu dereito a ler en calquera sitio e a gozar de merendas saudables.
Achegamos un vídeo-resumo das diversas xornadas de lectura e merenda saudable:
Feliz Día do Libro, todos os días do ano e.. que aproveite!
Damos continuidade ao noso Mes das Letras 2024 co encontro entre o alumnado de 6º de primaria e a autora Eva Mejuto, facilitado pola editorial Xerais.
O título do Plan Lector Anual da aula de 6º de primaria, "O día que choveron gatos", motivou o encontro para coñecer, en persoa, a escritora do libro. Ao tempo, Eva respondeu a todas as preguntas en relación co libro e con moitos outros títulos escritos pola autora, así como a súa traxectoria vital e literaria.
.jpg "CEIP Milladoiro.Malpica")
Premer na imaxe para acceder á galería de fotos
Agradecemos a Eva a súa dispoñibilidade e amabilidade, o alumnado quedou encantado de coñecela e presentarlle as súas creacións artísticas ao redor do libro.
.jpg "CEIP Milladoiro.Malpica")
O alumnado de 6º espera unha segunda parte do libro, mais Eva puido levar un borrador da mesma escrito por Alejandro García para a exposición de aula.
Estaremos atent@s a próximas publicacións da autora.
.jpg "CEIP Milladoiro.Malpica")
.jpg)
Premer na imaxe para acceder á galería de fotos
Chegou a todos os colexios públicos de Galicia o Punto Laranxa contro o acoso e o ciberacoso escolar. Un punto físico para deixar no seu buzón mensaxes escritas ao redor de situacións de acoso propias ou que se perciban en terceiros. Un punto tamén virtual, a disposición na web do noso colexio.
O alumnado de 6º de primaria foi o encargado de inFORMAR ao resto de alumnado, mesmo creando un cartel moi ilustrativo para o Punto Laranxa do noso cole.
Ao tempo, grazas ao Consorcio Editorial, iniciamos o noso Mes das Letras 2024 coa actividade cultural de A Xanela do Maxín: Pasando a Bóla para o alumnado de 2º e 3º ciclo de primaria e inspirada no título de Celtia Figueiras "A Banda dos Insectos. Pasando a Bóla" que David nos entregou en doazón.
.jpg "CEIP Milladoiro.Malpica")
Premer na imaxe para acceder á galería de fotos
Unha representación teatral, dirixida por David, na que o alumnado desenvolveu un papel activo, protagonizando diversas escenas de acoso nas que o público participa aportando posibles solucións ás situacións representadas.No seguinte vídeo podedes visualizar como a Roncolla realiza unha das súas reflexións finais de cada escena ao redor do termo "chivato" e como @s nen@s voluntari@s len, a modo de peche da actuación, os diversos dereitos aportados por David, que tamén alude aos deberes de tod@s.
Dereitos e deberes para desenvolver unha convivencia respectuosa e pacífica na que TOD@S contamos moito e temos moito que contar, pola nosa saúde e benestar persoal e social.
.jpg "CEIP Milladoiro.Malpica")
Presentamos a última exposición do curso escolar ao redor do PDI que nos ocupa, como recursos bibliográficos para as actividades a desenvolver da proposta trimestral.
Unha exposición para seguir dinamizando lecturas diversas, para tod@s: mes das letras, medio ambiente, natureza, habilidades olvidadas...
O vindeiro curso... máis lecturas!
Presentamos os produtos finais de cada grupo-clase en relación coa Semana da Muller 2024 e o PDI que nos ocupa. Premendo na imaxe-presentación de cada aula accederedes á publicación que realizaron no blog de ciclo.
Ao longo da semana, todos os grupos presentan na biblio a súa entrevista fantástica, gravada en Radio Balea e co apoio documental dos exemplares a disposición na exposición temporal Leo le... 8M!, para conmemorar o Día da Muller 2024.
.jpg "CEIP Milladoiro.Malpica")
Ao tempo, achegamos o enlace ao álbum de fotos das presentacións realizadas na biblio para o resto de compañeir@s e profesorado, álbum que se irá incrementando ao longo da semana. Premer na seguinte imaxe:
.jpg "CEIP Milladoiro.Malpica")
Unha vez máis, felicitar a tod@s polo fantástico traballo de investigación, comunicación e presentación final ao redor de Mulleres pioneiras en moitos campos,
MULLERES QUE ABRIRON CAMIÑOS!
Leer más publicaciones en Calaméo
Conmemoramos o Día de Rosalía de Castro atendendo a proposta de actividades en relación co PDI que nos ocupa e a exposición AS NOSAS LETRAS! adicada a Rosalía de Castro.
Cada grupo-clase creou o seu caligrama natural partindo do libro "O herbario de Rosalía" de María López, editado pola Fundación Rosalía de Castro. Un exemplar que nos permitiu unir á natureza coa literatura, coa escrita rosaliana, realizando produtos finais coa técnica colaxe. Premendo na seguinte imaxe accederedes ao álbum de fotos da actividade.
Feliz Día de Rosalía, hoxe e todos os días do ano.
Un Entroido de contacto coa natureza e hábitos saudables, un entroido de... saúde e benestar!
Premendo nos seguintes enlaces accederedes ao álbum de fotos e ao desfile final:
Leer más publicaciones en Calaméo
Hoxe, celebramos o Día Escolar da Non Violencia e a Paz na nosa biblio: lecturas dos acrósticos pacíficos creados a partir da lectura activa dun exemplar seleccionado por cada aula da exposición Leo le... PAZ!
_Lectura.jpg)
Esta actividade, de animación á lectura/escritura e derivada da proposta trimestral do noso PDI, permitiu o tratamento de valores, emocións, sentimentos... a prol da convivencia e do benestar persoal e social.
Felicitar, coma sempre, a tod@s polas producións propias que xa forman parte do mural do cole.
.jpg "CEIP Milladoiro.Malpica")
Premer na imaxe para acceder á galería de fotos
Achegamos, en imaxes, a exposición do 2º trimestre que acolle exemplares diversos para realizar lecturas compartidas en relación coa proposta de actividades trimestral.
Diversidade lectora para chegar ao coñecemento, para explorar temáticas varias: emocións, valores, identidade, igualdade, diversidade...
Un trimestre lector para tod@s!
A comezos do mes de decembro, a nosa serea lectora, Leo, deixou na biblio varias bolsas de Nadal, unha por aula, con agasallo e carta para animar a crear postais de Nadal porque o Nadal é tempo para comunicar.
Todas as aulas realizaron as súas propias creacións que aquí recollemos e premendo no nome de cada aula accederedes á publicación que realizaron nos diversos blogs de ciclo, nos cales ademais de presentar a súa produción tamén recollen a contestación da comunidade á que remitiron a postal.
Parabéns, unha vez máis, por comunicar tan ben.
Depedímonos ata o vindeiro ano 2024 coa postal de Nadal que Leo deixou en cada aula. Na imaxe a postal de 4º de infantil.
Ao longo de dúas xornadas lectivas todos os grupos-aula pasaron polos obradoiros de cociña sostible impartidos por María Navarro. María é graduada no ciclo superior de Dirección de Cociña e gusta de divulgar a cociña sostible, vexetal, sen residuos e de tempada, o que a levou a deseñar estes obradoiros de cociña que titulou: "Coñecer e cociñar o que vén da terra".
Tod@s puideron coñecer diversos vexetais, legumes, froitas, froitos secos.... e mesmo probar. Ao tempo, María cociñou receitas varias (humus diversos, ensalada de verduras, setas, receitas doces...) para que levaran a casa.
Enlazamos os documentos que, amablemente, nos deixou María coa presentación de diversos alimentos e receitas salgadas e doces; así como un kahoot, todos os materiais son da súa autoría:
