Postais de Nadal 2023

A comezos do mes de decembro, a nosa serea lectora, Leo, deixou na biblio varias bolsas de Nadal, unha por aula, con agasallo e carta para animar a crear postais de Nadal porque o Nadal é tempo para comunicar.

Todas as aulas realizaron as súas propias creacións que aquí recollemos e premendo no nome de cada aula accederedes á publicación que realizaron nos diversos blogs de ciclo, nos cales ademais de presentar a súa produción tamén recollen a contestación da comunidade á que remitiron a postal.

Parabéns, unha vez máis, por comunicar tan ben.

Depedímonos ata o vindeiro ano 2024 coa postal de Nadal que Leo deixou en cada aula. Na imaxe a postal de 4º de infantil.

Obradoiros de cociña sostible

Premer na imaxe para acceder á galería de fotos

Ao longo de dúas xornadas lectivas todos os grupos-aula pasaron polos obradoiros de cociña sostible impartidos por María Navarro. María é graduada no ciclo superior de Dirección de Cociña e gusta de divulgar a cociña sostible, vexetal, sen residuos e de tempada, o que a levou a deseñar estes obradoiros de cociña que titulou: "Coñecer e cociñar o que vén da terra".

Tod@s puideron coñecer diversos vexetais, legumes, froitas, froitos secos.... e mesmo probar. Ao tempo, María cociñou receitas varias (humus diversos, ensalada de verduras, setas, receitas doces...) para que levaran a casa.

Enlazamos os documentos que, amablemente, nos deixou María coa presentación de diversos alimentos e receitas salgadas e doces; así como un kahoot, todos os materiais son da súa autoría:

• Presentación de alimentos

• Receitas

• Kahoot para 3º ciclo de primaria

Agradecemos a María o seu bo facer e desexámoslle longa vida na cociña sostible; obradoiros que implementamos grazas á dotación económica do Contrato Programa Innova, tratando a alimentación, os alimentos de proximidade, a cociña sostible... o PDI que nos ocupa.