Mes da Ciencia en Galego nas Bibliotecas

 

Premer na imaxe para acceder á galería de fotos, que se irá incrementando

Ao longo do mes de novembro, seguindo a proposta de actividades en relación co PDI, todos os grupos-aula integraron nas súas programacións a experimentación, en galego, en relación co PDI e con contidos diversos: densidades, estados da materia, mesturas, enerxía, forzas, tecnoloxía...

Pechamos o mes visitando as exposicións de cada aula para experimentar e compartir aprendizaxes: a nosa escola bibliotecaria é... un gran laboratorio!

A ciencia na nosa lingua, en todas as linguas, para chegar ao coñecemento... este mes e todos os meses do ano!

Receitas VIO polo 25N

Premer na imaxe para acceder á galería de fotos

Conmemoramos o 25N receitando lecturas de vida: lecturas que educan e conciencian. Unha actividade que iniciamos o pasado curso, dentro do PDI que nos ocupa, e completamos no presente curso: receitas VIO que se complementan experimentando coa luz UV para descubrir palabras a valorar, para reflexionar.

No día de hoxe, grazas á mestra Carmen, de Música e Danza, e ao alumnado de 4º, 5º e 6º de primaria tod@s escoitamos e cantamos na biblio: "Son Muller" de MBCP; tal e como podedes ver no seguinte vídeo.

25N_SON MULLER_Cantamos na biblio!_2024-25 de bibliotecamilladoiro

Oxalá algún día non teñamos que "conmemorar"/recordar que a violencia de xénero segue a ser unha realidade e que a educación é a mellor ferramenta para loitar por unha igualdade real na que TODAS e todos teñamos os mesmos dereitos e deberes. Nós, aportamos o noso gran de area, curso tras curso, para visibilizar e educar en igualdade.

2ºA_Mes da Ciencia en Galego nas Bibliotecas

Deseño de Fátima Romero Olveira

Ao longo do mes de novembro, Mes da Ciencia en Galego nas Bibliotecas, informámonos para chegar ao coñecemento e Leo, a nosa serea lectora, animounos a experimentar e tratar o método científico.

O presente produto audiovisual é un resumo das actividades que desenvolvemos dentro da tarefa integrada: "O universo de 2ºA", un universo repleto de galaxias únicas e diferentes.

A exposición final inclúe a información, varios produtos finais, os materiais necesarios para que @s compañeir@s do cole experimenten e as maquetas que creamos coas nosas familias, que son do máis diversas e creativas. 

A visita a Casa das Ciencias de A Coruña foi o broche final da tarefa integrada, visita do máis vivencial e divertida. Premendo na seguinte imaxe accederedes ao álbum de fotos da visita.

 

Só nos queda que as familias visiten a nosa exposición final, a cal axudaron a crear, pero iso será a finais de trimestre: visita e recollida de todos os produtos creados. 

Feliz Mes da Ciencia na nosa lingua!

1º-2º-3º_Saída Casa das Ciencias

Premer na imaxe para acceder á galería de fotos, que inclúe vídeo

Rematamos a semana visitando a Casa das Ciencias de A Coruña para experimentar, vivenciar e complementar as tarefas integradas implementadas ao longo do mes de novembro: Mes da Ciencia en Galego nas Bibliotecas.

Unha visita que foi todo un éxito, desde a primeira á última planta, onde visualizamos no seu planetario unha produción audiovisual que nos levou da man de dous pequenos esquíos a coñecer diversos planetas e vimos o nacemento dun pitiño que loitaba por saír do ovo... cun pouquiño de axuda do exterior (ver vídeo na galería de imaxes da saída)

Esperamos volver da man das nosas familias, pois hai máis producións audiovisuais no seu planetario e dúas sesións especiais en directo, totalmente gratuítas, os últimos sábados do mes.

Feliz Mes da Ciencia en Galego nas Bibliotecas!